• ຂະແໜງ​ກະສິກຳ​ປະກອບສ່ວນ​ 2.44% ຂອງ​ມູນ​ຄ່າ​ GDP ທີ່ປະຕິບັດໄດ້ໃນປີ 2016
    • ແຮງງານພາຍໃນແຂວງວຽງຈັນມີທັງໝົດ 212,861 ຄົນ, ຖ້າທຽບໃສ່ແຜນການແມ່ນປະຕິບັດໄດ້ 32%, ອັດຕາການຫວ່າງງານແມ່ນ 2.5%
    • ແມ່ມານທີ່​ມາ​ຝາກ​ທ້ອງ​ເທື່ອ​ທຳ​ອິດໄດ້ 8,880 ຄົນ ທຽບໃສ່ແຜນ ການປະຕິບັດໄດ້ 81%, ແມ່ມານມາເກີດລູກຢູ່ໂຮງໝໍ 5,869 ຄົນ
    • ຂະແໜງ​​ອຸດສາຫະກຳປະກອບສ່ວນ​ 3.98% ຂອງ​ມູນ​ຄ່າ​ GDP ທີ່ປະຕິບັດໄດ້ໃນປີ 2016
    • ຂະແໜງ​ບໍລິການ​ປະກອບສ່ວນ​ 1.75% ຂອງ​ມູນ​ຄ່າ​ GDP ທີ່ປະຕິບັດໄດ້ໃນປີ 2016
    • ອັດຕາເງິນເຟີ້ເທົ້າກັບ 2.76 ໃນປີ 2016 ຖ້າທຽບໃສ່ປີ 2015 ແມ່ນເພີ່ມຂື້ນ 97.14%
    • ການເຂົ້າຮຽນຂັ້ນປະຖົມສາມັນສຶກສາມີຈຳນວນທັງໝົດ 51,981 ຄົນ

ກອງປະຊຸມເຜີຍແຜ່ ການນຳໃຊ້ ແລະ ການສ້າງຖານຂໍ້ມູນລາວອິນໂຟ

ໃນຕອນເຊົ້າຂອງວັນທີ 19 /09/ 2016 . ໄດ້ເປີດການຝຶກອົບຮົມກຽ່ວກັບການເຜີຍແຜ່ການນໍາໃຊ້ ແລະ ການສ້າງຖ່ານຂໍ້ມູນ LaoInfo v.6.1 ຂຶ້ນຢູ່ທີ່ຫ້ອງປະຊຸມ ສູນສະຖິຕິປະຈຳແຂວງ ວຽງຈັນ ໂດຍພາຍໃຕ້ການເປັນປະທານຂອງທ່ານ ສຸກັນ ວິໄລຣັດ ກຳມະການພັກແຂວງ ຫົວໜ້າພະແນກແຜນການ ແລະ ການລົງທຶນແຂວງ ວຽງຈັນ ແລະມີຜູ້ເຂົ້າຮ່ວມທັງໝົດ 35 ທ່ານ ຍິງ 9 ທ່ານ.

ເພື່ອ​ແນະນຳ​ວິທີການນຳໃຊ້ ແລະ ສ້າງຖານ​ຂໍ້​ມູນ​ລາວອິນ​ໂຟໃຫ້ພະນັກງານວິຊາການສູນສະຖິຕິປະຈໍາແຂວງ ແລະ ບັນດາພະແນກການອ້ອມຂ້າງ​ທົ່ວແຂວງ ເພື່ອນໍາໄປເຜີຍແຜ່ໃຫ້ຜູ້ນໍາໃຊ້ໄດ້ຮັບຮູ້, ເພື່ອ​ເປັນ​ການ​ສົ່ງ​ເສີມ​ການ​ເຂົ້າ​ເຖິງ ​ແລະ ການ​ນຳ​ໃຊ້​ຂໍ້​ມູນ​ເຂົ້າ​ໃນ​ຂະ​ບວນການ​ຕິດຕາມ ​ແລະ ສ້າງ​ແຜນ​ນະ​ໂຍບາຍ​ຕ່າງໆ. ນອກຈາກ​ນີ້​ກໍ່​ເພື່ອ​ເປັນ​ການ​ໂຄສະ​ນາ​ເຜີຍ​ແຜ່​ ລະບົບຖານ​ຂໍ້​ມູນ​ລາວ​ອິນ​ໂຟ​ໃຫ້​ກວ້າງຂວາງ ​ໂດຍ​ສະ​ເພາະບັນດາ​ອົງການ​ຈັດ​ຕັ້ງ​ລັດ​, ອົງການສາກົນ ​ແລະ ບັນດາ​ຜູ້​ທີ່​ຕ້ອງການ​ນຳ​ໃຊ້​ຂໍ້​ມູນສະຖິຕິທາງການໃນຕໍ່ໜ້າ. ກອງປະຊຸໄດ້ແບ່ງເປັນສອງວາລະຄື:

  • ວາລະທີ 1: ​ແມ່ນການເຜີຍແຜ່​ປະ​ຫວັດ​ຄວາມ​ເປັນ​ມາ, ຈຸດປະສົງ ແລະ ຜົນ​ປະ​ໂຫຍ​ດຂອງ​ການ​ນຳ​ໃຊ້​ລະບົບ​ຖານ​ຂໍ້​ມູນ​ລາວ​ອິນ​ໂຟ ສຳລັບ​ການ​ຕິດຕາມ, ປະ​ເມີນ ​ແລະ ສ້າງ​ແຜນ​ນະ​ໂຍບາຍ​ໃນ​ແຕ່ລະ​ໄລຍະ.
  • ວາລະທີ2: ລົງເລິກທາງດ້ານວິຊາການແນະນໍາວິທີການໃນການສ້າງຖານຂໍ້​ມູນLaoInfo 6.1​ ຕົວ​ຈິງເລີ່​ມຈາກ​ຂັ້ນ​ຕອນ​ການ​ຊອກ​ຫາ​ຂໍ້ມູນການ​ນຳ​ສະ​ເໜີ​ຂໍ້​ມູນ​ໃນ​ຮູບ​ແບບ​ຕ່າງໆ ​ແລະ  ການ​ສ້າງ​ບົດ​ລາຍ​ງານ. ເຊິ່ງທັງ​ສອງ​ພາກ​ດັ່ງ​ກ່າວ​ນີ້​ຈະ​ເປັນ​ປະ​ໂຫຍ​ດຫຼາຍ​ໃຫ້​ແກ່​ຜູ້ນຳ​ໃຊ້​ຂໍ້​ມູນ​ໂດຍ​ສະ​ເພາະ​ພະນັກງານ​ທີຮັບຜິດຊອບກ່ຽວກັບການເຜີຍແຜ່ຂໍ້ມູນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

  • ຜະລິດຕະພັນສະຖິຕິ